Hiermee deel ek my persoonlike vrae en antwoorde wat ek ontvang het met my eie soeke na die wil van God vir my lewe, hier aan die begin van 'n onseker 2021.
Ek was gisteraand weer saam met 'n groep van Dare to Love by die Pretoria-Oos hospitaal, waar 'n groot aantal gelowiges saam gaan bid het, God geprys en daar ingetree is vir die nood van Covid pasiënte en mediese personeel, daar en vir hospitale landswyd.
Dit was weereens wonderlik om die positiewe waardering van personeel te beleef wat ons probeer bemoedig het deur Bybels uit te deel ens. (Gaan kyk gerus op die Dare to Love Facebook blaaie vir meer besonderhede.)
Terwyl ek daar op my eie tyd saam met die Here deurgebring het, het ek duidelike leiding gekry oor 'n ander dringende saak waarmee ek steeds worstel: Die stand van die NG Kerk se geestelike toestand, die NGK waarin ek my hele lewe lank die evangelie probeer uitdra het, en veral ons Evangelisasiefokus.
Ek het besluit om in 'n reeks artikels my hart daaroor verder oop te maak.
2. Die onsekerheid waarin ons tans is en die rol van die NGK daar.
3. Is dit die moete werd om nog oor die NGK se AS2019 standpunt te debatteer?
4. My vraag hoe die NGK sy wesenstaak uitvoer.
5. Die aanbied van praktiese riglyne vir Evangelisasie te midde van Covid tyd
6. Hulpmiddels om daarmee te help.
Daarom is hierdie skrywe in die besonder gerig aan my NGK predikante-kollegas, maar ook aan elke gelowige lidmaat wat die Here met erns probeer dien - by watter kerk jy nou ook al lidmaat is.
Hoe is ons Fokus steeds op God en sy Opdrag vir die Kerk ingestel?
1 comment:
KERKLIKE FIASKO - emeritus dr S W Theron in die Pasifika en Oos Asia doenig
Vir 'n eeu was die latinisme "Missionaal" en derivatiewe in onbruik tot sowat twee dekades terug waar dit deur logisistiese, ontleders van abstrakte denke in ons kerklike arsenale ingedra is. Dit laat ek vir meer jeugdige navorsers om te bepaal en miskien tehelp bely: 1. Het die baie skrywes, besluite en klem van missionale kerkwese enigsens bygedra tot Bybelse evangelisasie in bereiking van ons eie kerklik vervreemdes, 2 ... tot uitkring na die non-kerklikes in die direkte omgwing, 3. ... tot die verste uithoeke van die planeet. As in die lig van die enorme opdrag: "Soos die Vader My gestuur het so stuur ek julle!" en die dikwels aangehaalde Matt 28.
Deel van hierdie duidelike verskraling het dekadeslank sy simptome getoon, waar skrywer dit self beleef het - ek noem net die wat ek self beleef het:
1. Die ontstaan van nie-kerklike sending van binne Afrikaanse gemeentes vanwee die apatie of openlike teenstand uit kerklike kringe: Dorothea sending na inheemse gemeenskappe binne ne buite die RSA, Uitreik na die eilande en Rusland en meer ......, eerste uitreike na Franse, Portugese, Europa en Transvaalse amaSwati.
2. Die voetsleep of teenstand nadat amptelike kommissies vir laasgenoemdes
wat ek as Kommissielid moet belewe.
3. Kerklike verbondenheid aan "kollegiale" tipe kerkstrukture wat betref uitreik as "sending, evangelisasie ...).
4. Uitreik na "landverlaters". Na 1910 het ons Kerk uitgereik na lidmate in Wes-Afrika, Angola en Argentinie. Later met 'n amptelike gemeente in Engeland. Maar verto-e tot twee Transvaalse sinodesdeur meer as een besorgde leraar moes tweejaar verduur voor een sinode vanwee "'n geldelike besnoeiing" (!!) uitreik na Nieu-Seeland seen toeggese het, maar waarin teensin in die onsimpatieke Afrikaanse kerke aangegroei het sodat die Afrikaanse Christen Kerk van NS sonder kerklike verband met die RSA tot stand gekom het, die eenheid van uitgeweke Gereformeerde gelowiges versuur het. En van die Afrikaanse kerke het eers twee dekades later 'n plaaslike gemeente hier kom vestig met amptelike verbintenis.
Die "missionale remskoen" was telkens die "puntestelsel" en negatiewe slagspreuke soos "begin in geloof en eindig op die punte. Die uitreike hier in NS, Australie en Oos Asie is almal self-onderhoudend, - beherend en -uitreikend.
In 20 maande onder groot Genade en "sonder punte" floreer agt Evangelies Gereformeerde dorpsgemeentes en hulle dagskole onder agt stamme in die afgelee bergland van SW Asie. Hulle ken nie die etiket "missionaal" nie, maar het hulle visier op die verdere anderstalige stamme en dorpe in die berggebied.
5. Die "luukse' van tipies-Westerlike en Afrikaanse "kerklike apartheid"! "My kerk", "susterskerke", nie-Afrikaanse instansies ... het sedert 1900 die kerke ietwat gepla met wereldwyde konferensie en ekumeniese bewegings wat al hoe minder "missionaal" gerig was met die suur vrug daarvan in die derde wereld wat selfs tot inetkerklike oorloe gelei het en in Fiji steeds per eiland en dorpie "kerklike apartheid" afdwing! "Ek glo in die "gemeenskap van die heiliges" van die een heilige, Christelike Kerk is en word beperk tot die verskraling van die geloofsbelewenis van nederige gelowiges terwyl 'n paar gesogte kerkverteenwoordiges op "ekumeniese vergaderings" teoreties-abstrak daaroor bespiegel. Wat verhinder 'n landswye uitreik na alle kante in die RSA met sy duisende gemeentes ek kerkies? Kerklike apartheid!!
Post a Comment