KoFie-projek - Net 'n DANKIE; Prys die Here!

Na ons vorige epos, moet ek hierdie net met dankbaarheid deel.

1) Na ons versoek vir 'n 2e Handse Laptop, stuur iemand uit Brackenfel vir ons een. 

(💢En toe ontvang ek 'n versoek van 'n ander Sendeling wat ook dringend een nodig het;  dus is die behoefte steeds aktief as iemand nog kan help) 

2) Fondse vir die voortgaan van ons Duduza Community Church Voedselhulpskema:  Dankie aan iemand wat 'n bedrag van R1000 inbetaal het. (Moeggesukkel se Bankrekening is korrek, maar iemand twyfel toe oor hulle naam; Hulle eintlike Naam is Mighty Godly Servants Recovery Centre; Kyk gerus na hulle mooi werk op hulle webblad by www.moeggesukkel.co.za. Hulle help mense wat vasgevang is met dwelm-afhanklikheid op 'n baie kreatiewe wyse. Beveel hulle gerus aan. 

Kyk ook na hulle produk wat ons gebruik vir die Koshulp -projek Veggie Meat daar).

💥As iemand verder kan help met ons Duduza-fonds, die bankrekening inligting is soos op ons vorige epos.

3) En toe kontak Wilhelm Els van Farming God's Way my ook oor die moontlikheid om 'n Groetetuin Projek vir die Kerk van Duduza Community Church te help ontwikkel. Mens wil hulle immers nie help met net onbepaalde kosvoorsiening nie, maar dat hulle vorentoe selfversorgend kan raak. Ons gaan dit beslis opvolg.

EK MOES DIT NET DEEL.

DANKIE dat julle ook vir ons BID.

Chris Visser,

Koninkryksfokus

www.koninkryksfokus.blogspot.com

Tyd vir 'n kort verslag van ons KoFie-projek - op ons Blad "Good News for All"

Een van ons onlangse Facebook advertensies op ons Blad: "Good News for All"

Slegs 'n kort skrifgedeelte uit die Johannes Evangelie waar Jesus, nadat baie van sy volgelinge ophou om Hom te volg vanweë die eise van dissipelskap wat Hy gestel het, aan sy dissipels vra of hulle nie ook wil teruggaan nie.

Petrus se bekende antwoord in Joh 6:68 word treffend voorgestel met die foto waar sy gesigsuitdrukking dit betenisvol afwys.

"Here, na wie toe sal ons gaan. U het die woorde wat Ewige Lewe gee."

Mens besef maar weer: Die krag van die Evangelie lê nie in 'n lang preek nie, maar in die Woord self, en die Heilige Gees wat dit in die hart van die leser laat weerklank vind.

Dank saam met ons die Vader vir die baie persone wat dit gelees het (sien die resultate hieronder), die gedagtes wat dit by elkeen wakker gemaak het, en die besluit wat elkeen daarvolgens op een of ander wyse gemaak het.

Dit bly merkwaardige statistiek: 15% van die 117,203 mense wat dit gesien het, reageer spontaan daarop met 'n "like", een of ander kommentaar of deur dit verder met hulle vriende te deel.

RESULTAAT: Performance for your post
117,203 People reached . 17,144 Likes, comments and shares

1,432 Post clicks.  661 Photo views.  163 Link clicks ;  608 Other Clicks
Klik gerus hierna om na die Advertensie-plasing self te kyk    https://www.facebook.com/RefreshingGoodNews/posts/983179805472764
"From this time many of his disciples turned back and no longer followed him. “You do not want to leave too, do you?” Jesus asked the Twelve. Simon Peter answered him, “Lord, to whom shall we go? You have the words of eternal life. We have come to believe and to know that you are the Holy One of God.” (John 6:66‭-‬69 NIV) https://bible.com/bible/111/jhn.6.66-69.NIV