2. Die Groot Onsekerheid van ons dag

Mens hoef niks daaroor te verduidelik nie. Die onsekerheid is groot!

Almal ken die virus en die vrese daar rondom (almal ken seker nou al een of meer geliefdes wat reeds daaraan gesterf het). Ook die werkloosheid en hongersnood en toenemende armoede daarmee saam.

Hoe ons regering die land, die ekonomie en die mediese sorg van ons miljoene mense hanteer, al die debatte oor die entstowwe ens. Om van al die samesweringsteorië en wantroue na alle kante toe nie eers te praat nie. 

Groot onsekerheid by almal! As ek darem nie geglo het nie... (Ps 27:13)

Onsekerheid ook in die kerk.

Die kerk is die plek waarna mense hulle veral in onseker tye moet wend, ook die NG Kerk. Maar... ons leiers stry nou al meer as 'n dekade oor Selfdegeslag-verhoudings (SGV), wat nou na al die jare se debatte en ondersoeke in 2019 deur die NGK se Algemene Sinode (AS) goedgekeur is. Nie net is huwelike tussen dieselfde geslag goedgekeur nie, maar mag predikante sulke huwelike bevestig en word Gay-leraars selfs as predikante georden. Die onsekerheid is volgens my vererger met die besluit dat elke gemeente en predikant self kan besluit hoe om dit in die praktyk toe te pas. 

Nie meer is gehoorsaamheid aan die Skrif alleen die norm nie, maar hoe die situasie en behoeftes van mense dit vereis. Die belangrike Skrifriglyn van die huwelik tussen 'n man en 'n vrou, soos deur God geskep en deur Jesus onderskryf, soos deur Paulus gebruik as 'n beeld van die verhouding Christus en sy Kerk, dit is alles weggestoot omdat "menseregte" die finale sê gekry het. 

Vir my persoonlik is dit net nie te rym met my verstaan van die Skrif nie en ook nie tot eer van God nie. Ek kan nie anders as om die oortuiging te verwerp nie.

Die gevolge van die AS2019 besluit: 

• Dit het sedertdien gelei tot die bedanking en wegloop van vele lidmate uit die NGK en noodwendig groot verliese in dankoffers - en minder fondse om die Kerk se hooftaak naamlik Wêreldevangelisasie te doen. 
• Die besluit het verder gelei tot die stigting van die MORELETA KAIROS NETWERK (MKN) en die Dolering van tans reeds 63 gemeentes en baie predikante. Dit is veelseggend dat die voorsitter van die AS moderamen onlangs pleit vir EENHEID in die NGK te midde van die gevaartekens van Kerkskeuring wat al duideliker sigbaar word en die media wat dit geniet om oor hierdie hartseer situasie smalend te berig. 

So wat nou vorentoe? My eie worsteling daarmee en my enigste slotsom. (Dit word in my volgende Artikel aangespreek)

Chris Visser,

Koninkryksfokus

3: Is dit die moete werd om nog met die NGK te debatteer? My les geleer.

Waarom was ek by die SGV debat betrokke? 

Omdat ek teleurgesteld is in die leiding wat die NGK se leiers die afgelope jare op Sinodale vlak gee. Die AS2019 besluite is vir my onaanvaarbaar omdat ek oordeel dat dit nie in ooreenstemming met die Skrif en tot eer van God is nie. (Sien my Skrywe oor waarom ek self die pad van Dolering gekies het; Dit kan hier gelees word.)

Daarom, toe ek onlangs weer afkom op die materiaal van 'n Konferensie oor die Bybel en Seksualiteit, met van ons land se top-teoloë as sprekers, was ek baie opgewonde daaroor omdat dit deurgaans 'n sterk behoudende Bybelse standpunt teen SGV verhoudings gestel het, waarmee ek nog altyd sterk assosieer het. Daarom het ek dit in 'n plasing op Sosiale Media gedeel as 'n bydrae in hierdie debat. 

Was dit enigsins die moete werd?  Die afloop daarvan.

(Nota: Weens 'n misverstand oor die datering van die Konferensie op die YouTube blad waar ek die inligting gekry het, waar dit verkeerdelik aangedui is "5 years ago", het ek dus aangeneem dit was 2015?; dus was die Konferensie in werklikheid 9 jaar vroeër. Ja, agterna onthou ek dat een van die sprekers my wel 'n paar jaar tevore ook op die verkeerde datum gewys het in 'n Facebook gesprek, maar dit het my werklik hier ontgaan. Die inhoud is tog immers waaroor dit gaan, nie wanneer dit gebeur het nie.) 

Twee van die Sprekers by hierdie Konferensie het na my plasing daarop reageer. Ek is beskuldig dat ek vals inligting versprei en van my liefdelose optrede en uitsprake binne die Gay debat (Ek stel dit onomwonde dat ek nog nooit deel was van enige liefdelose uitsprake of optredes teenoor Gay mense nie! Dit het nog deurentyd vir my in die debat gegaan om slegs "Wat sê die Skrif?").

Die Sprekers het my veral aangespreek oor drie sake:

• oor ek daardie materiaal "sonder hulle toestemming" geplaas het. (Ek het nog nooit tevore toestemming nodig gehad met die plasing van enige materiaal oor 'n Konferensie wat op 'n Webwerf geplaas was nie? Ek het in die verlede verskeie ander materiaal van hierdie sprekers op Sosiale Media gedeel sonder "toestemming" en sonder probleme daaroor.)
• my fout met die datum. Volgens die verduideliking van een spreker het sy behoudende Bybelse standpunt van tydens die Konferensie verander omdat hy ook ander insigte bygekry het en omdat die konteks ook soveel verander het. Vandag onderskryf hy dus volledig die AS2019 besluite volgens hom. (Geen verduideliking word gegee watter ander insigte intussen tot so 'n ander standpunt gelei het nie.) 
• Die ander spreker het dieselfde besware oor "toestemming" en die verkeerde datum genoem. (Hy wou tevore op 'n Facebook plasing op 'n navraag van my oor sy standpunt tov die AS2019 besluite geen duidelike antwoord gee nie, slegs "dat hy nie 'n deelnemer in debatte is waar mense geboelie word wat nie in hulle bokskryte wil veg nie". Ek wou nie in 'n debat hieroor tree nie en maar slegs probeer duidelikheid kry of sy standpunt daaroor steeds soos tydens die Konferensie was.)
• Altwee sprekers het ook beswaar gemaak dat ek sou insinueer het dat hulle onder groepsdruk geswig het; dat ek onsin hieroor verkondig. Ek het dit nie gesê nie, maar slegs verwys na die groot druk wat vanuit die pro-Gay groep bestaan en wat sodanig toegeneem het dat dit logies is dat iemand met steeds behoudende standpunte deesdae onder ekstra druk geplaas word. Voorbeelde van sulke druk is die dra van Liefde-is-Liefde T-hemde en demonstrasies, die verskeie Pro-Gay protes-petisies oor die afgelope jare asook 'n onlangse Hofsaak teen 'n behoudende Teoloog (met sekerlik gepaardgaande regskoste vir so 'n persoon).

Hierdie ervaring en belewenis hiervan. 

• Wat ek hier beleef het, was dat ek in my eerlike soeke na die regte Skrifgefundeerde riglyne oor die saak van SGV, veral by mense waarna ek in die verlede nog altyd as Bybelgetroue teoloë opgesien het, slegs 'n aanvallende reaksie ontvang het - sonder enige aanduiding van watter ander insigte bygekom het en hoe die konteks nou sodanig verander het dat iets wat hulle tevore met soveel oortuiging afgewys het, nou aanvaarbaar geword het. 
• Ek besef nou finaal daar is geen sin meer vir my om te hoop dat die NGK leiding hieroor gaan herbesin nie. Ek besef nou finaal my ou poginkies en deelname aan enige debat hieroor gaan net tydmors wees. (Ek dink die idioom is hier van toepassing: "Die koeël is deur die kerk" - en amptelik wil ek beslis nie meer deel van so 'n kerk wees nie).

My bedieningspad vorentoe: 

• Die Kerk van Christus is gebaseer slegs op sy Woord, die Woord van die Waarheid. Hierdie Kerk is baie groter as 'n denominasie soos die NGK. Vorentoe gaan ek meer as ooit tevore voluit met ons eie besondere bediening naamlik om die evangelie, Bybels, Evangelies Gereformeerd, op Sosiale Media via ons Koninkryksfokus KoFie-projek, ver en wyd te deel - aan miljoene mense wat steeds totaal onbereik is met die Evangelie, mense sonder kennis van God se Woord en die wete dat God hulle ook in Jesus Christus liefhet. 
• Elke leraar moet maar self op sy eie verantwoordelikheid sy pad met God en sy Woord in die Kerk voortsit. Ek sal steeds vir hierdie en elke ander Bybelgetroue kerk en leraars bid, maar... Dis gelukkig finaal in die hande van die enigste Hoof van die Kerk. Amen

Chris Visser,

Koninkryksfokus

4: Die Kerk se wesenstaak! Hoe lyk dit in julle gemeente? Hoe kan ons help?

Kry die kerk se wesenstaak nog die nodige aandag? 

Hoef ons uit te spel wat dit is? 

Elke Bybelgelowige ken wat die hooftaak van die kerk is! Maar dit raak maklik onder die stof vergete, veral as die druk van so baie probleme ons oog van die bal af laat gaan. 

Onthou jy nog? Ons duidelike Opdrag van Jesus as die Hoof van die kerk self: Die Gaan en Verkondiging van die Evangelie en die maak van Dissipels, aan alle nasies (Mat 28:18-20, Hand 1:8 ens.) Alles tot Sy eer en Verheerliking ens.

Almal ken die tekse en die teorie daarvan goed. Die praktyk wys egter vandag meesal min daarvan. Inteendeel, my navorsing daaroor bevestig hoedanig gemeentes se uitreikbediening oor die afgelope dekade afgeneem het. 

(Ek oordeel dat baie daarvan toegeskryf kan word daaraan dat sake soos die SGV wat die aandag en debatte die laaste tyd in die kerk so oorheers het dat hierdie wesenstaak vir lank nou al aan die agterspeen moet suig)

My doel is nie om mense te laat skuldig voel nie, maar te ondersteun daarin om weer 'n verskil te maak. 

Ek gaan dit dus waag om oor die volgende paar artikels verskeie hulpmiddels aan te bied en 'n paar praktiese riglyne te gee wat werk. 

Kom, gebruik dit gerus...

Jesus wat gestuur is na hierdie wêreld om ons te kom red, Hy sê vir sy dissipels, vir ons as kerk... Netso stuur Ek julle ook. Welkom om my Boek oor die onderwerp, met 'n nuwe vars getuienisstrategie hoe om dit prakties werkbaar te maak, juis ook vir vandag, om die Boek gratis af te laai en te gebruik. (Klik op die skakel hierna... Netso stuur Ek julle ook... Om koninklike priesters van God te wees.

Dominee/Pastoor, welkom as jy die materiaal wil gebruik vir 'n preek of twee of drie.

Laat hoor as ons kan help.

Chris Visser,

Koninkryksfokus

0829269364

5: Praktiese Riglyne vir Evangelisasie in die Covid-tyd

Enersyds wil mens nie voorbarig wees en maak of mens beter weet nie. Andersyds wil ek graag 'n paar Riglyne deel hoedat elke gemeente of sommer net individuele gelowige wel by Evangelisasie betrokke kan raak. 

Praktiese werkbare goed wat nie noodwendig ekstra fondse nodig het nie.

Kan mens dan te midde van die Covid uitdagings steeds ook Evangelisasie doen?

Ja, Covid het ook ons gemeentes lamgelê, maar kom ons wees dankbaar vir die tegnologie wat ons so wonderlik kan inspan. Dominees en Pastore preek nog gereeld, al is dit op YouTube nou. Baie kundige lidmate help graag daarmee.

Aan die leier/leraar: Eers 'n paar uitdagende eerlike vrae... vir jouself, en dan vir die gemeente...

Waaroor Preek jy Dominee / Pastoor? Is jou YouTube preke net gefokus op die bemoediging van jou getroue lidmate - ja, hulle het dit nodig - in julle eie taal? Wanneer laas het jy ook oor die Sendingopdrag gepreek? En toerusting daaroor gegee? As jy hulp soek daarmee: Daar is ander kundiges wat jou daarin kan help. Nooi hulle! Selfs op Zoom moontlik!

Julle Bedieningsfokus: Hoedanig is evangelisasie die fokus in julle gemeente en lidmate se lewe? Julle doen barmhartigheid!? - kan ook maar dikwels net krummels wees - genoeg? Deel julook die Goeie Nuus saam met elke kospakkie? Doen jul navraag of die Bybel daar beskikbaar is en help om een te kry waar nodig? Wys jul hulle hoe om dit reg te gebruik - Dalk uitnooi vir Bybelles?

Aan wie, op wie rig julle jul hoofsaaklik? Hoeveel daarvan gaan net na die naby bekendes; onse "eie mense"? Het ons 'n Jesus-Visie vir diegene buite ons lidmaat-grense, die Hand 1:8 gebiede? Hoeveel blootstelling het ons in elk geval aan die "onbereiktes"? "Gaan" beteken immers "Uitbeweeg", Gaan "soek" hulle wat steeds buite is!

Praktiese Voorstel 1: Help 'n kollega wat in 'n ander taal ook 'kerk' doen en nie dieselfde tegnologiese gawes het wat vir jul beskikbaar is nie. Jul kundige lidmate kan dalk ook daar help? (Dink aan 'n Afrika-kollega in 'n Township gemeente in Suid Afrika, of die leraar wat in Hindi of Tamil preek, besig met kerkplanting in Indië of in Farsi in Iran, met min ondersteuning onder dikwels arm gemeenskappe, en dikwels boonop deur die landsregering of die omringende mense getreiter word). 

Welkom om my te vra om julle in kontak te bring met sulke behoeftige gevalle.

Besin saam as gemeente : Is Covid net 'n Krisis of ook 'n Geleentheid: (vra die vraag op jul WhatsApp groep of tydens 'n erediens-uitsending. Nooi mense uit om kommentaar te lewer; om nog onbekende nood uit te wys (eina!) en te vra wat kan wie?... elkeen ook daaraan doen?

• Kom ons noem dit 'n Uitdaging! Beter nog, 'n Geleentheid!
  Kom ons daag elke gemeente/kerk, groot of klein, ryk of arm, uit... 
• Feit is...Elke dorp en stad in ons land het een of meer Christelike gemeentes. Netso is die nood van armoede, werkloosheid en siekte in klinieke en hospitale ongekend in ons tyd. (Nou kom die nood van vloedskade van die Sikloon Eloise ook nog by)
• Daag alle lidmate uit om te doen, klein dingetjies, wat saam groot verskille gaan maak.

• Bid en vra God wat kan julle in die tyd doen - beter doen?

• Wees erkentlik, dankbaar en vier dit wat reeds gebeur: Ja, baie doen reeds. Kommunikeer dit. Gee waardering vir hulle wat betrokke is. Gee erkenning. Gee hulle kontakinligting om nog meer ander by daardie  projekte te betrek. 

Praktiese Voorstel 2: 

Stel die kerkterrein beskikbaar (of soek 'n ander oop terrein) en laat toe dat vrywilligers (baie is werkloos en honger) Groetetuine plant (Oopgesnyde buitebande werk uitstelkend; Vra donasies vir grond en kompos (of begin maak dit self); Kwekery is dikwels bereid om te help met saad en plantjies (Kyk by Dare to Love Gardens. Welkom om my te kontak vir advies)

Praktiese Voorstel 3:

Kosnood en Voedingprogramme: Kontak Moeggesukkel vir idees

Praktiese Voorstel 4:

Ondersteuning van Hospitaalwerkers en mediese personeel: Elke gemeente is naby 'n hospitaal of kliniek. As julle te klein of min is, doen navraag om saam met ander te gaan. Kommunikeer en vra op julle gemeenskapsgroepe. 

Net 'n paar lede kan uitreik en gaan bid; ondersteun; 'n klein geskenkie van waardering gaan gee. Bybels versprei ens. Klein beginne groei gou na meer.

Kyk by Dare to Love inisiatiewe. 

Dominee/Pastoor, ek weet jy staan dikwels alleen. Moenie glo nie! Stel die behoefte, bid daaroor, vra vir wie ook al om saam betrokke te raak. 

Vertrou God! Hy sal krag gee (Hand 1:8)

Ter wille van wie? Nie julle self en julle sukses nie. Ter wille van Hom. Sy Eer en Heerlikheid.

Moenie wag nie! Begin!

Laat hoor hoe dit gaan?

Chris Visser,

Koninkryksfokus

0829269364

Die NGK se SGV debat, Covid en die kerk se evangelisasie-fokus

Hiermee deel ek my persoonlike vrae en antwoorde wat ek ontvang het met my eie soeke na die wil van God vir my lewe, hier aan die begin van 'n onseker 2021. 

Ek was gisteraand weer saam met 'n groep van Dare to Love by die Pretoria-Oos hospitaal, waar 'n groot aantal saam gaan bid het, God geprys en daar ingetree is vir die nood van Covid pasiënte en mediese personeel, daar en vir hospitale landswyd. Dit was weereens wonderlik om die positiewe waardering van personeel te beleef wat ons probeer bemoedig het deur Bybels uit te deel ens. (Gaan kyk gerus op die Dare to Love Facebook blaaie vir meer besonderhede.)

Terwyl ek daar besig was op my eie tyd saam met die Here, het ek duidelik gelei geword oor 'n ander dringende saak waarmee ek steeds worstel: Die stand van die NG Kerk, waarin ek my hele lewe lank die evangelie probeer uitdra het, se Fokus tans (Hieronder meer)

Daarom is hierdie skrywe in die besonder gerig aan my NGK predikante-kollegas, maar ook aan elke gelowige lidmaat wat die Here met erns probeer dien - by watter kerk jy nou ook al lidmaat is. Hoe is ons Fokus steeds op God ingestel?

1. Algemene Onsekerheid nou.

Mens hoef niks daaroor te skryf nie. Almal ken die virus en die vrese daar rondom (almal ken seker nou al een of meer geliefdes wat reeds daaraan gesterf het), die werkloosheid en hongersnood en al die debatte oor die entstowwe, hoe ons regering ons land, die ekonomie en die mediese sorg hanteer ens. Om van al die samesweringsteorië en wantroue na alle kante toe nie eers te praat nie. 

2. Onsekerheid in die kerk.

Die kerk waarna mense hulle veral in onseker tye moet wend, ook die NG Kerk  - ons leiers stry nou al meer as 'n dekade oor Selfdegeslag-verhoudings (SGV), wat nou na al die jare in 2019 deur die NGK se Algemene Sinode (AS) goedgekeur is. Nie net word huwelike tussen dieselfde geslag goedgekeur nie, maar mag predikante sulke huwelike bevestig. Die onsekerheid is volgens my vererger met die besluit dat elke gemeente en predikant self kan besluit hoe om dit in die praktyk toe te pas. Nie meer gehoorsaamheid aan die Skrif nie, maar hoe die situasie en behoeftes van mense dit vereis. Vir my persoonlik is dit net nie te rym met my verstaan van die Skrif nie en ook nie tot eer van God nie. 

• Die gevolge van die AS2019 besluit: Dit het sedertdien gelei tot die bedanking en wegraak van vele lidmate uit die NGK asook groot verliese in dankoffers. Dit het verder gelei tot die stigting van die MORELETA KAIROS NETWERK (MKN) en die Dolering van tans reeds 63 gemeentes en baie predikante. Dit is veelseggend dat die voorsitter van die AS moderamen onlangs pleit vir EENHEID in die NGK te midde van die gevaartekens van Kerkskeuring wat al duideliker sigbaar is. Die media geniet dit om oor hierdie hartseer situasie te berig en smalend daarna te verwys. 
• My eie redes vir Dolering: Waarom ek self die pad van Dolering gekies het kan hier gelees word.
• My onlangse bydrae tot die SGV debat: Ek het onlangs in 'n plasing op Sosiale Media verwys na 'n Konferensie oor die Bybel en Seksualiteit met van ons land se top-teoloë as sprekers, wat in 2006 plaasgevind het. Ek het met opgewondenheid daarby aanklank gevind, omdat dit deurgaans 'n sterk behoudende Bybelse standpunt teen SGV verhoudings gestel het.  (Weens 'n misverstand egter oor die datering van die Konferensie op die YouTube blad waar ek die inligting gekry het, was dit verkeerdelik aangedui as "5 years ago", dus 2015?; dus was die Konferensie in werklikheid 9 jaar vroeër.) Twee van die Sprekers het my na die plasing dus ernstig aangespreek oor drie sake:
• oor ek daardie materiaal "sonder hulle goedkeuring" geplaas het. (Ek het nog nooit tevore goedkeuring nodig gehad met die plasing van enige gepubliseerde materiaal oor 'n Konferensie wat op 'n Webwerf geplaas was nie?) 
• my fout met die datum. Volgens die verduideliking van veral een spreker was die "konteks" in 2006 anders en daarom het sy standpunte intussen sodanig verander dat hy die AS2019 besluite nou steun. Geen verduideliking word gegee watter nuwe Bybelse insigte nou tot so 'n ander standpunt gelei het nie. (Volgens my was die enigste verandering in "konteks" die toenemende druk van groepe op mense wat steeds die tradisionele standpunt dat SGV teen die Bybel indruis, huldig). 
• Die ander spreker het dieselfde besware oor "toestemming" en die verkeerde datum genoem. Hy wou tevore met 'n navraag daaroor egter nie sê of sy standpunt intussen verander het nie, slegs dat hy nie met debatte hieroor betrokke wil raak nie. Ek wou egter nooit in debat tree hieroor nie, slegs sy standpunt daaroor vra. 
• Altwee sprekers het ook beswaar gemaak dat ek sou insinueer het dat hulle onder druk geswig het. Ek het slegs verwys na die druk wat bestaan en algaande toegeneem het en wat almal met steeds behoudende standpunte logies onder ekstra druk plaas. Voorbeelde van sulke druk is die dra van Liefde-is-Liefde T-hemde en demonstrasie by die Stellenboschse Kweekskool, die verskeie Pro-Gay protes-petisies oor die afgelope jare asook 'n onlangse Hofsaak teen 'n behoudende Teoloog (wat gewoonlik tot regskoste vir so 'n persoon lei).
• My besluit vir my eie pad vorentoe: Ek ​het finaal besluit ​om hiermee myself ​te ​verskoon van enige verdere gesprek​ of debatvoering ​oor die NGK se hantering van die ​SGV ​onderwerp.​ Nie net trek dit my aandag af van wat ek as my persoonlike roeping sien nie, naamlik Evangelisasie en Sending, veral via Sosiale Media. 

3. Hoedanig kry die kerk se wesenstaak nog die nodige aandag? 

Hoef ons te verskil oor wat ons hooftaak as kerk is? Ons duidelike Opdrag van Jesus as die Hoof van die kerk self: Die Gaan en Verkondiging van die Evangelie en die maak van Dissipels, aan alle nasies (Mat 28:18-20, Hand 1:8 ens.) 

Almal ken die tekse en die teorie daarvan goed. Die praktyk wys egter meesal min daarvan. Inteendeel, my navorsing daaroor toon hoedanig dit oor die afgelope dekade afgeneem het. 

My doel is nie om mense te laat skuldig voel nie, maar te ondersteun daarin. Ek gaan dit dus waag om verskeie hulpmiddels aan te bied en 'n paar praktiese riglyne te gee wat werk.

• Ja, Covid het ons gemeentes lamgelê, maar ons is dankbaar vir die tegnologie wat ons so wonderlik kan inspan. Dominees en Pastore preek nog gereeld, al is dit op YouTube nou. Baie kundige lidmate help graag daarmee.
• Waaroor Preek jy Dominee en Pastoor? Is jou YouTube preke net gefokus op die bemoediging van jou getroue lidmate - ja, hulle het dit nodig - in julle eie taal? Wanneer laas het jy ook oor die Sendingopdrag gepreek? En toerusting daaroor gegee? Daar is ander kundiges wat jou daarin kan help. Nooi hulle!
• Hoedanig is evangelisasie die fokus in elke gemeente en gelowige se lewe? Is ons barmhartigheid - wat ook maar dikwels net krummels is - genoeg? Deel ons ook die Goeie Nuus saam met elke kospakkie? Doen ons navraag of die Bybel daar beskikbaar is en help om een te kry waar nodig? Wys ons hoe om dit reg te gebruik ens?
• Aan wie, op wie rig ons ons hoofsaaklik? Hoeveel daarvan gaan net na die naby bekendes; onse "eie mense"? Het ons 'n Jesus-Visie vir diegene buite ons lidmaat-grense, die Hand 1:8 gebiede? Hoeveel blootstelling het ons in elk geval aan die "onbereiktes"? "Gaan" beteken immers "Uitbeweeg", Gaan "soek" hulle wat steeds buite is!
• Dalk is daar 'n kollega wat in 'n ander taal besig en nie dieselfde tegnologiese gawes het wat vir jou beskikbaar is nie. Jou kundige lidmate kan dalk ook daar help? (Dink aan 'n Afrika-kollega in 'n Township gemeente in Suid Afrika, of die leraar wat in Hindi of Tamil preek, besig met kerkplanting in Indië of in Farsi in Iran, met min ondersteuning onder dikwels arm gemeenskappe, en dikwels boonop deur die landsregering of die omringende mense getreiter word).

4. 'n Paar praktiese riglyne en hulpmiddels wat kan help.

1. My boek... Netso stuur Ek julle ook... Om koninklike priesters van God te wees. Ek het die boek geskryf na baie jare se praktiese ervaring in sending-mobilisering en uitvoering. Laai die boek met vrymoedigheid gratis af.
2. Verskeie ander evangelisasie-materiaal op ons Blog: Koninkryksfokus by die afdeling:  "Bookshop"  asook by die afdeling "Resources" (Verskeie materiaal vir Moslem-evangelisasie, Jeugwerk, Audio-preke en veral die "King of Glory" films.
3. Gebruik van ons Facebook bediening se verskillende Blaaie wat fokus op verskillende Groeperinge om mense wêreldwyd te bereik. Besoek ons basisblad KoFie-projek vir meer inligting. 
4. Daar bestaan tonne webblaaie en Apps op die Internet om vir Evangelisasie te benut. Hiermee 'n paar van die wat ons self gereeld gebruik om met mense in alle tale en lande die evangelie te deel.
• Bybelverspreiding: Behalwe die meer bekende YouVersion Bybel (www.Bible.com), gebruik en deel ek die volgende drie dikwels.
• https://bibleproject.com/
• http://www.bible.is/apps
• City Bibles: https://www.qrownn.com/zaf/index.html?
• Kerkplanting in klein groepe (Gebruik die Bybel - Verskillende tale) Discovery Bible Study:
• Bybelvrae (Got Questions): Frequently Asked Bible Questions
• Uitreike: Jesus film projek : https://www.jesusfilm.org/
• Algemeen: https://www.christianity.com/
• 'n Voorbeeld van 'n baie aktuele vraag: Why Doesn’t God Heal Everyone? 
• Getuienisse en gebedsriglyne vir alle lande. https://prayercast.com/
• Dissipelskap: Opvolg van nuwe gelowiges: 
• www.knowinggod.com 
• Moslem evangelisasie:
• Christian Concern for Muslims: https://www.ccm.org.za/
• Answering Islam: 'n Hele Biblioteek op sy eie: https://www.answering-islam.org/

5. 'n Covid-19 Geleentheid: Uitdaging aan alle gemeentes.

Elke dorp en stad in ons land het een of meer Christelike gemeentes. Netso is die nood van armoede, werkloosheid en siekte in klinieke en hospitale ongekend in ons tyd. (Nou kom die nood van vloedskade van die Sikloon Eloise ook nog by)

Is dit 'n probleem? Net 'n probleem?

Kom ons noem dit 'n Uitdaging! Beter nog, 'n Geleentheid!

Kom ons daag elke gemeente/kerk, groot of klein, ryk of arm, uit... 

Bid en vra God wat kan julle in die tyd doen - beter doen?

Ja, baie doen reeds. Betrek nog meer ander by julle projekte. 

Daag alle lidmate uit om te doen, klein dingetjies, wat saam groot verskille gaan maak.

6. Kontak ons as ons kan help? 

Dui julle bereidwilligheid aan om te probeer! Reik uit na ander in julle gemeenskap. Gebruik Sosiale Media soos Facebook, WhatsApp of Telegram Groepe om te kommunikeer.

Koninkryksfokus - Kingdom Focus KoFie-Project.

👉Our Blog: https://koninkryksfokus.blogspot.com/

💥Our Facebook Page <Kingdom Focus News & Tools> want to give Information and Resources to mobilize, motivate and challenge us all as believers to enhance the Kingdom of Christ by sharing the Gospel according to the Great Commission of Jesus in Mat 28:18-20.

☕We focus on doing this under the logo KoFie-project, especially via Social Media like Facebook, WhatsApp, Telegram etc.

😊To get involved why not join and "like" any of our Pages or Groups... 

👉https://www.facebook.com/KingdomFocusNews/

👉Join our Facebook Working Group:  https://www.facebook.com/groups/KingdomFocus/

👉Visit our FACEBOOK BASE PAGE: 

For more Information about all of our 12 Facebook Pages...

Join and get involved with any one of them. "Like" the Page of choice.

https://www.facebook.com/KoFie.project/

👉Visit and like our Facebook Pages about Islam Evangelism

• Conversation with Muslims 
• Know and Understand Islam

.

    👉Join our Telegram Group for Islam Evangelism

• https://t.me/joinchat/Ggwc5BqugJ0IMtNE

👉Join us on WhatsApp at +27764285260

👉Join us on Telegram at https://t.me/joinchat/VqXw-fCI2ms6cUf7

🛐 Pray for Our Ministry: Join any of our Prayer Groups: 

👉 Pray for Internet-Evangelism to Muslims: Register and Pray for Internet-Evangelism to Muslims at https://m.facebook.com/groups/468354330202060 

👉 Join our WhatsApp prayer support group: Participants register on the WhatsApp Number +27 67 195 7980 with their name and the message “KoFie-Pray”.  

👉 Join our Telegram prayer support group: https://t.me/Pray4KoFie

Financial support for our KoFie.Project.

• We Finance our Ministry by selling our Books: 
• To Partner in our Ministry, Buy a book at our Bookshop and thanks...
• You help cover our ministry cost. 

👉 Click here for our Banking details