WELCOME TO JOIN OUR FACEBOOK PAGE... and get a FREE eBOOK!
Read all about our Page - Click here...
You should pray like this... Our Father in heaven, help us to honor your name. Come and set up your kingdom, so that everyone on earth will obey you as you are obeyed in heaven (Mat 6:9-10, CEV)
Monday, June 7, 2021
Wednesday, June 2, 2021
Tuesday, June 1, 2021
1. 🤔Hallo, ek het gesê ek wil ernstig met jou praat 🤔
1.
Hallo, ek het gesê ek
wil ernstig met jou praat 
die ding staan so...
Ek verjaar vandag en as mens verjaar – van kleins af was dit so...Dan verwag mens mos ’n present.
Ek weet nie waarom nie, maar dit was maar altyd so...
En nou? Nee, ek soek nie ’n geskenk nie; Inteendeel, ek wil vir jou een gee.
Hier’s jou geskenk vir my verjaarsdag!
Laai gerus vir jou enige van die Boeke in ons
Boekwinkel as ‘n Gratis (geskenk) af.
Mag ek aanbeveel: My eie lewensverhaal: Chrisjan Visserman en die Jabes-gebed.
https://koninkryksfokus.blogspot.com/2019/05/boek-christan-visserman-en-die-jabes.html
Lees net ’n kort uittreksel uit die
boek... Bladsy 80 “Die doel waarom ek die verhaal
vertel.
Ek het baie lank
daaroor getwyfel en baie gebid of ek ooit hierdie gebeure op skrif moet stel,
en of ek dit nie maar net heeltemal uit my geheue moet uitvee en dit in die
graf laat afsluit nie. Tog was daar soveel om daaruit te leer, en boweal uiteindelik
God se hand daarin te sien en Hom op die ou end tog baie eer te laat kry, dat
ek tog besluit het om dit te publiseer. Wat die aanvanklike bedoeling ook al
was, baie goed het daaruit voortgespruit en daarom verdien dit om vertel te
word. Verder is daar, terugskouend, heelwat dinge wat so skeef-snaaks was, dat
mens dit selfs as humor kan beskou, alhoewel dit seker is wat onder
“galge-humor” bedoel sou word.
Vervolg verder: Mag ek eers iets deel oor my eie Sendingroeping:
2. 💖Mag ek eers iets deel oor my eie Sendingroeping:
💖2. Mag ek eers iets deel oor my eie Sendingroeping:
Jy kan in die boek oor my lewensverhaal alles lees oor hoe die Here
my op die pad geplaas het.
Hiermee net ’n kort opsomming oor die tyd toe ek weer moes besin oor my eie roeping
en passie vir Christus en die sendingopdrag. Die gedeelte uit Jesaja 49:1-6 oor God se roeping van sy dienaar het baie persoonlik vars en nuut
met my gepraat.
Ja, sê vers 1... Die Here het my voor my geboorte al geroep;
toe ek nog in my moeder se liggaam was, het Hy my op my naam genoem.
In ’n tyd toe ek soms baie moedeloos was in ons gemeente-ervarings
van daardie tyd, en gewonder het of alles die moeite werd was, was ek opnuut
bemoedig deur die beloftes van v 4 Dit is nie tevergeefs nie, My God sal my
beloon.
My sendingroeping is finaal bevestig met
die duidelike opdrag van vers 5-6
wat vir my ‘n baie persoonlike roeping geword het:
“En nou maak die Here 'n aankondiging, Hy wat my in die
moederskoot al sy dienaar gemaak het om Jakob na Hom toe terug te bring sodat
Israel nie meer verstrooi sal wees nie. Die
Here het my 'n belangrike opdrag gegee en my God gee my die krag om dit te doen.
Hy het gesê: Dit is nie genoeg dat jy my dienaar is om die stamme van Jakob te
herstel en om die Israeliete wat gered is, terug te bring nie; Ek maak jou 'n lig vir die nasies sodat die
redding wat Ek bewerk, die uithoeke van die aarde sal bereik.”
Hierdie teksgedeeltes motiveer my nog al die jare daarna. Ek het
besef God se taak vir my is wyer as net binne die grense van een gemeente. Om
aan dieselfde lidmate, wat almal al hoeveel keer die evangelie gehoor het, oor
en oor van God se liefde te vertel, terwyl miljoene ander dalk nog nooit een
maal gehoor het nie, dis waarna hierdie teks vir my verwys het.
Ek kon ook oor die afgelope jare meer en meer besin oor wat behoort ons motivering of passie vir Sending te wees. Waarom doen ons dit? Is dit omdat dit die ‘Groot Opdrag’ is? Of... Om Heidene wat verlore gaan te red? Néé! Die wonderlikste ontdekking wat ek persoonlik kon maak, was: Dit gaan glad nie eerstens daaroor nie, maar alles alleen om die verheerliking van God. Ek wil meer en meer mense van alle tale en groepe ook help bring by die plek waar ook hulle Hom kan ken en aanvaar en dien. Alleen so sou God maksimaal verheerlik kan word.
Maar jy vra... Nou, wat het dit te doen met my verjaarsdag VANDAG...
OK, Kom ek vertel jou
eers oor ons KoFie-Projek.
Wat is die KoFie-Projek? (O Ja, KoFie- staan vir Koninkryksfokus Internet Evangelisasie)
Met KoFie- deel ons die Evangelie op Sosiale Media (veral op Facebook, WhatsApp en Twitter) veral aan mense wat nog nie regtig van Jesus gehoor het en nog nie glo nie (1 uit 3 mense in die wêreld is steeds Onbereik met die Evangelie - kan mens dit glo?)
Vriend, ek en jy ken mos die Here (ek hoop jy ook wel?) - Wat 'n voorreg dat ons die Goeie Nuus van God se liefde en Jesus se Kruisdood in ons plek - in ons eie taal kan ken, en ook glo. (Ek het van kleins af reeds daarvan geleer, maar eers later op ouderdom 18 verstaan en in die geloof aanvaar; Ek hoop jy het ook reeds?)
VRIEND, AS JY NOG NIE SEKER IS VAN JOU EIE VERLOSSING NIE, KONTAK MY PER WHATSAPP; EK HELP JOU GRAAG DAARMEE!
WA MY NA +27764285260 of +27 829269364)
Lees Verder: Wat is dan KoFie-Projek se Doel?
3.☕️Wat is dan KoFie-Projek se Doel?
3. ☕️ Wat is dan KoFie-Projek se Doel? ☕️
Wel, om volgens Mat 24:14 “ die Evangelie van die Koninkryk in die hele wêreld te verkondig sodat al die nasies die getuienis kan hoor”. Ons doel is natuurlik om met mense wat reageer op ons plasings, te gesels, vrae te beantwoord en verdere saad te saai, soos dit prakties sou uitloop. Omdat ons ook ons WhatsApp nommer op ons FB Blad kan plaas, kry ons dikwels verskeie navrae per WhatsApp nadat ons ‘’n plasing gemaak het. Met enkeles kon ons al diep verhoudings bou en lang gesprekke voer.
Maar jy vra: Hoe ons dit doen.
Hoe bereik ons die regte mense met ons Posts?
Ons gebruik Facebook se Advertensie-program vir Besighede (Ons blaaie is elkeen ’n “klein Besigheid” – klein, maar ons het bv. reeds kontakte met baie duisende lede (followers) opgebou met wie ons gereeld kan kommunikeer. Ons plaas tipies ’n aktuele ‘Post’ van ons keuse op ’n Blad en “Boost” dit dan (stuur dit as ‘n Advertensie uit, fyn gefokus volgens ouderdom, taalgroep, land wat ons wil bereik ens. en gebruik sekere trefwoorde (Bv. vir Muslims iets soos Ramadan, Muhammad, Quran ens.)
- Jy kan alles lees op ons KoFie-Projek se Facebook-blad;
- Lees meer op ons Koninkryksfokus- Blog;
- Om ons Nuusbriewe per ePos te ontvang Registreer gerus hier
Kortliks som ek dit so op:
Ons gebruik 12 Facebook Blaaie van verskillende aard om die evangelie toegespits gefokus aan verskillende mense te deel. (Om sommer jou vraag te antwoord: Wat is ons Resultate? dui ek na elke Blad se Inligting ook die Trefkrag vir elke Blad aan oor die afgelope maand)
Ons ervaring is dat, volgens die verslae wat Facebook aan ons verskaf, baie mense wel na sulke advertensies kyk (People reached); terwyl ’n persentasie van gewoonlik tussen 10 en 20% op die advertensies reageer.
Hulle doen dit deur (1) die skakels te klik wat gegee word waar hulle meer kan lees (bv. ’n Bybelteks) of
(2) deur iets af te laai of
(3) die gegewe video te kyk of
(4) kommentaar te lewer of vrae te vra (waarop ons dan probeer reageer – soms gaan die gesprek op WhatsApp voort) of
(5)
soms die plasing (of die Blad self) te “like”.
Lees verder: Wat het dit met my Verjaarsdag te doen?
Subscribe to:
Posts (Atom)