DIE CHRISTEN EN POLITIEK
MAG (MOET) 'N CHRISTEN HOM OF HAAR OOK MET DIE POLITIEK OF EKONOMIE BEMOEI?
Wat beteken dit in ons praktyk as Jesus bid: Laat u koninkryk kom? Of Soek allereers die koninkryk van God...? Net geestelike kerkdinge?
Andy Stanley in 'n YouVersion Bybel Oordenking (Leef met Visie) stel dit so:
"Jy moet God deur jou aksies verheerlik, ongeag waar hulle plaasvind en in watter rol jy op daardie oomblik is. Jy moet God ook as 'n wederhelf, ouer, vriend, werknemer, werkgewer en landsburger verheerlik. Wat jy dus by die huis of werk doen, is niks meer of minder geestelik as wat jy by die kerk doen nie.
Gevolglik is daar 'n geestelike element in jou visie, ongeag vanuit watter kategorie in jou lewe dit spruit. Daar is geen wêreldse strewes nie. Jou visie bestaan nie onafhanklik van jou verantwoordelikheid om God te eer nie. Die uitdaging is om die verband daartussen te ontdek."
Vandag in Suid Afrika kan (mag) 'n Christen nie buite die politiek bly nie. Ja, natuurlik nie noodwendig as politikus in 'n partypolitieke pos nie, maar deur op hoogte te bly en - veral nou ook voor die komende verkiesing - biddend self te besin oor ons land se volgende leiers.
Wat is God se KONINKRYKSWIL vir die pad vorentoe, wat is die nodige veranderinge om 'n POSITIEWE BYDRAE te lewer, veral vir SY KONINKRYK vorentoe in Suid Afrika. Maar ook as deel van jou getuienis in gesprekke met ander daaroor te praat, veral die wat nie die nuus-blootstelling het wat ons bevoorreg het nie of nie vir hulle self kan dink nie en steeds net stem soos hulle 27 jaar terug gestem het, ongeag wat intussen reeds alles gebeur het (noem maar op "staatskaping" , "korrupsie" ens.) 
Hoe moet 'n Christen hom of haar ook in bv. die ekonomie en politieke leefwêreld handhaaf om daardie POSITIEWE CHRISTELIKE BYDRAE te lewer? Ek nooi jou hiermee uit om (as deel van ons KoFie-projek = Koninkryksfokus Internet Evangelisasie) by enige van ons twee Facebook BLAAIE hiervoor in te skakel.
Hoe? Klik op die skakels hieronder, loer op die Blaaie en "like" dit om daaraan mee te werk!
POSITIVE POLITICS - Rather Build than Break our South Africa https://www.facebook.com/builderpolitics/
MZANZI GOOD NEWS OF TRUTH - ('n Blad meer gemik op ons nie Afrikaanse Township gemeenskap)
No comments:
Post a Comment